Pati aur Patni
Pati aur Patni... Iss shaadiyon ke season mein khayal aaya kyun na kuch der thahar kar ye socha jae ki kya hai ye shaadi, kyu karte hain log shaadi. Kisi ke liye shaadi ek rasm hai to kisi ke liye family get together function. Kisi ke liye wo society mein show off krne ka madhyam hai to kisi ke liye insta-worthy pictures collect krne ka mauka. Mujhse puchho to Shaadi inme se kuch bhi nahi hai... Shaadi us din nahi hoti jab aap saat phere lete hain ya nikaah kubool krte hain, balki us din hoti hai jab aap ek dusre ko puri tarah apna lete hain. Ek dusri ki saari acchi-buri baaton ko jaan kr use accept krte hain, tab aap kahlate hain Pati-Patni. Pati-Patni banne ke liye kisi certificate, kisi rasm ya kisi gawah ki jarurat nahi hoti, bas jarurat hoti hai vishwas ki. Aisa nahi hai ki zindagi hamesha khoobsurat hoti hai, pariyon ki kahaani sirf kitabon me hi hai. Par Pati-Patni wo hai jo har mushkil me ek dusre ke sath ho. Kitni bhi duriyaan aae, par dil paas ho.